ငယ်ဘ၀အမှတ်တရ(၁)

ငယ်ဘ၀ အမှတ်တရတွေပြောရရင်တော့... ပြောမဆုံးပေါင်တောသုံးတောင်ပေါ့နော်...
သူငယ်ချင်းတွေဘယ်လိုရတယ်ဆိုတာက စပြီးပြောမယ်လေ...

အိမ်ရှေ့မှာ မူလတန်းကျောင်းတစ်ကျောင်းရှိတယ်... သူငယ်ချင်းတွေနဲ့စတွေ့တာ အဲကျောင်းလေးမှာပေါ့...သူငယ်တန်းတက်တက်ချင်းတုန်းက မိန်းကလေးသူငယ်ချင်း နှစ်ယောက်ရှိတယ်လေ.. သန့်သန့်နဲ့ ဇူးဇူးတဲ့... စာတော်တဲ့သူငယ်ချင်းလေးတွေပေါ့....း) စာရရင်လည်း ဒီသုံးယောက်... အရိုက်ခံရလည်း ဒီသုံးယောက် တစ်တွဲတွဲနဲ့ သိပ်ချစ်ကြတာ...
ရှိသေးတယ်...ဌေးဌေး၊ပိစိမ၊ဖိုးတရုတ်၊တူးတူး၊ဆက်နောင်၊
သားပု၊ထက်ဝေယံ၊နိုင်ရဲကို...တို့ပေါ့နော်.... စကားမစပ် သူငယ်တန်းတုန်းက အမှတ်တရဖြစ်ရပ်လေးအရင်ပြောမယ်နော်... တစ်ရက်ပေါ့... အတန်းပိုင်ဆရာမက.. " အခန်းအပြင်ကမြက်တွေနှုတ်ကြမယ် အပြင်ထွက်ကြ.. " လို့ပြောလာရော....
အဲတော့ထွက်ကြတာပေါ့... အပြင်ရောက်တော့ အဆောင်ပတ်ပတ်လည်က မြက်တွေနှုတ်ခိုင်းရော...
နေ့ပြောနောက်ကြည့်..ညပြောအောက်ကြည့်ဆိုတာ အဲဒါမှတကယ်မှန်တာ... ကိုယ်ကလည်း နဂိုကတည်းက ရှေ့နောက်သိပ်ကြည့်တတ်တာမဟုတ်ဘူး....ငယ်ကလည်းငယ်သေးတယ်ဆိုတော့... သူငယ်ချင်းအချင်းချင်းမြက်နှုတ်ရင်းပြောလိုက်တာပေါ့... " ငါတို့ချည်းပဲမြက်နှုတ်နေရတာ... ဆရာမတွေကျတော့ ဘာမှလည်းမလုပ်ကြဘူး... မတ်တပ်ရပ်ပြီးလျှောက်သွားနေတယ် " လို့ ဘေးကသူငယ်ချင်းကိုပြောလိုက်တာ... ဟီးဟီး :D နောက်က အသံတစ်ခုထွက်လာရော...."ဟေ့ကောင်မလေး...ဘာတွေပြောနေတာလဲ " တဲ့..လှည့်ကြည့်လိုက်တော့ ဆရာမကြီး... အဟီး :P ... ဗြောင်ငြင်းတာပေါ့..ဘယ်ရမလဲ... "ဘာမှမဟုတ်ဘူးဆရာမ"လို့ပြောပြီးရယ်နေလိုက်တယ်.. :P... (အဲဒီဆရာမက သူငယ်တန်းတုန်းက စာသင်ပြတဲ့ဆရာမပါ... လက်ဦးဆရာ လို့ဆိုနိုင်တာပေါ့.. )
ဒီလိုပဲပေါ့.... ဟိုလုပ်ဒီလုပ် ဟိုပါ ဒီပါ ဟိုစပ်စပ် ဒီစပ်စပ် နဲ့ နှစ်တန်းရောက်သွားပါလေရော...
ကျောင်းသားအသစ်တစ်ယောက်ရောက်လာတယ်... သူငယ်ချင်းအသစ်တိုးတာပေါ့... ဖိုင့်ဖိုင့်တဲ့... သူက မြစ်သားက ပြောင်းလာတာ...သူရောက်လာပြီးနောက်တစ်နှစ် သုံးတန်းနှစ်လည်းကျရော... မိန်းကလေးသူငယ်ချင်းအသစ်တစ်ယောက်ရောက်လာပါပြန်ရော..... ထွေးနန္ဒာအောင်တဲ့... သိပ်ခင်ဖို့ကောင်းတယ်... ရန်ကုန်သူလေ...
ကဲ..... လူလည်းတဖြေးဖြေးနဲ့စုံလာပြီ...လေးတန်းလည်းရောက်ပြီနော်... ကစားဖော်တွေတိုးလာပြီပေါ့... ဘာတမ်းကစားသလဲဆိုတော့... ကြိုးခုန်တမ်းကစားကြတယ်.. ထုပ်ဆီးတိုးတမ်းကစားကြတယ်.. ပြီးတော့ အထုပ်ပေါက်တမ်း..ကစားတယ်... ယောက်ျားလေးတွေများ ကိုယ့်အကန့်နဲ့ကိုယ်မနေကြဘူး..ဟိုပါဒီပါတွေ... မြင်ကတ်ဖို့ကောင်းတယ်...
မိန်းကလေးတွေကလည်း သိပ်ချစ်ကြတာ... တစ်ရက်ကိုနှစ်ခါလောက်ရန်ဖြစ်ကြတယ်... သိတယ်မှတ်လား..ငယ်ငယ်တုန်းကပေါကြတာလေ....ကိုယ်တို့အတန်းက သစ်သားထိုင်ခုံရှည်တစ်ခုံမှာ လေးယောက်ထိုင်ရတယ်...ဒီဘက်ဘေးဆုံးက ကိုယ်၊ထွေးနန္ဒာအောင်၊ဇူးဇူးနဲ့သန့်သန့်...အဲလိုထိုင်တာ..
တစ်ခါရန်ဖြစ်ရင် နှစ်ယောက်တစ်ဖက်လေ... ကိုယ်တို့ဘေးဘက်ကနှစ်ယောက်ကသက်သက် သန့်သန့်တို့ နှစ်ယောက်ကသက်သက်.... အလယ်ကထိုင်ခုံကိုရော....စားပွဲခုံကိုရော မြေဖြူနဲ့တားပြီး မကျော်ကြေးလေ...စိတ်ကောက်ကြတာ.. ပြီးတော့ဟုတ်တာလည်းမဟုတ်ဘူး... မနက်ရန်ဖြစ်ရင်နေ့လည်ပြန်ခေါ်...
နေ့လည်ရန်ဖြစ်ရင်ညနေပြန်ခေါ်...

ညနေရန်ဖြစ်ရင်နက်ဖြန်ပြန်ခေါ်နဲ့...သံသရာလည်နေတာ...... နေနိုင်ကြတာလည်းမဟုတ်ဘူး... ခုံမှာဆိုလည်း မြေဖြူတွေဗလပွ..ဟီး:Pပြီးတော့ကိုယ်တို့သူငယ်ချင်းတွေမှာကောင်းတဲ့အကျင့်တစ်ခုရှိတယ်....ကိုယ်နဲ့ပေါင်းတဲ့
သူငယ်ချင်းတွေကအချမ်းသာကြီးတွေမဟုတ်ဘူး...ကိုယ်နေတာကိုကလည်းရွာမှာဆိုတော့...
သိပ်မရှိကြဘူးလေ...ကိုယ်လည်းမရှိပါဘူး...မုန့်ဖိုးရရင်ဝေမျှစားကြတယ်...သူငယ်ချင်းတစ်ယောက
်မုန့်ဖိုးမပါရင်...ကိုယ့်မှာလည်းပိုက်ဆံပိုရင်ဝယ်ကျွေးလိုက်ကြတယ်...ပိုက်ဆံမပိုရင် ကိုယ်နဲ့အတူတူမျှစားကြတာပေါ့...ငယ်ငယ်ကအချိန်တွေတကယ်လွမ်းဖို့ကောင်းတယ်... ကဲ....ဒီနေ့တော့ လေးတန်းမှာပဲ အဆုံးသတ်ထားမယ်နော်... နောက်ရက်ဆက်ရန်ပေါ့....

0 comments: